ხარჩოს საავტორო სანელებელი

კერძის მომზადების რეცეპტი:

ავიღოთ 1კგ დაჭრილი საქონლის ხორცი და მოვათავსოთ ქვაბში, დავუმატოთ წითელი ხახვი 250გრ, ნიახური 100გრ, ნიორი 30გრ, სურნელოვანი წიწაკა 20გრ, დაფნის ფოთოლი 2ც, დავასხათ წყალი და ნელ ცეცხლზე მოვხარშოთ ხორცი დარბილებამდე. მიღებული ბულიონი გადმოვდგათ ცეცხლიდან.

წვრილად დაჭრილი 200გრ თეთრი ხახვი მოვშუშოთ 50გრ კარაქსა და 50მლ ზეთში. დავუმატოთ 100მლ პომიდვრის წვენი 2 კბილ ნიორთან ერთად და 10 წუთი ვადუღოთ ნელ ცეცხლზე. მიღებულ სოუსს დავუმატოთ 1 ჩამჩა ბულიონის წვენი და ვადუღოთ კიდევ დამატებით 5 წუთი. ამის შემდეგ მიღებულ სოუსს ვუმატებთ სუნელების ნაერთის ნახევარს და ვშუშავთ 3-4 წთ.

ვიღებთ 300გრ გატარებულ ნიგოზსს, დარჩენილი სუნელების ნაერთს და ერთმანეთში ხელით კარგად ვზელთ. ეს მასა ნელ-ნელა გავათხელოთ ორი ლიტრი ბულიონით და დავუმატოთ მომზადებულ სოუსს. ვადუღოთ 10-12 წუთი.

სურვილისებრ შეგვიძლია დავუმატოთ 70მლ ნაღები ან 1 ჩ/კ ძმარი.